Fabritsio Romano "Qarabağ"la "Sevilya" arasındakı anlaşmanın detallarını açıqladı

Tanınmış insayder Fabritsio Romano “Qarabağ”la “Sevilya” arasında Juninyonun transferi ilə bağlı razılaşmanın təfərrüatlarını açıqlayıb.

Futbolxeber.az saytının məlumatına görə, o, “X” hesabındakı paylaşımında La Liqa təmsilçisinin bu transfer üçün "Qarabağ"a 4 milyon avro + 1 milyon avro bonus ödəyəcəyini qeyd edib.

Həmçinin, “Sevilya”nın braziliyalı hücumçunun satış məbləğinin 20 faizini Ağdam təmsilçisinə ödəyəcəyi ilə bağlı bənd də müqavilədə yer alacaq.

O da qeyd olunub ki, hələ dəqiqləşdirilməmiş bir neçə detal var ki, bunlar həllini tapandan sonra transfer rəsmiləşəcək.