Mark Tamaş “Neftçi”dən getdi

“Neftçi” Mark Tamaşla yollarını ayırıb.

Futbolxeber.az saytının məlumatına görə, bu barədə nemzetisport.hu yazıb.

Qeyd olunub ki, macarıstanlı futbolçu daha əvvəl “nemzetisport”a açıqlamasında qışda komandadan ayrılmaq istədiyini bildirmişdi. Tamaş oyun praktikasının azlığının onu qane etmədiyini söyləmişdi. Belə ki, 31 yaşlı müdafiəçi cari mövsüm cəmi 8 oyunda (7 çempionat, 1 kubok) forma geymək şansı qazanıb.

İndi isə bildirilir ki, artıq Tamaşla “Neftçi” arasında danışıqlar müsbət yekunlaşıb. Tərəfləe müqaviləni qarşılıqlı razılıq əsasında pozublar.

Qeyd olunub ki, Tamaş yeni ildən yeni klubda çıxış edəcək. Artıq bir neçə Avropa klubu onun xidmətində maraqlıdır ki, həmin sırada avrokubok iştirakçısı da var.