“Qarabağ” “Şamaxı”ya qalib gəldi

Bu gün Azərbaycan Premyer Liqasında 3-cü turdan təxirə salınmış bir oyun keçirilib.

Futbolxeber.az saytının məlumatına görə, “Şamaxı” öz meydanında “Qarabağ”ı qəbul edib. Ağdam klubu son saniyələrdə vurduğu qolla səfərdən qələbə ilə qayıdıb.

Bu qələbə sayəsində Qurban Qurbanovun komandası 18-ci turun oyunlarının nəticələrindən asılı olmayaraq qış çempionluğunu təmin edib.

Azərbaycan Premyer Liqası

III tur

19 dekabr (cümə axşamı)

“Şamaxı” - “Qarabağ” - 0:1

Qol: Musa Qurbanlı, 90+4

Hakimlər: Rəşad Əhmədov, Vüsal Məmmədov, Teymur Teymurov, Rauf Allahverdiyev

Şamaxı şəhər stadionu

Qeyd edək ki, bu qələbə sayəsində “Qarabağ” xallarının sayını 44-ə çatdırıb. Ağdam klubu ən yaxın izləyicisi “Araz-Naxçıvan”ı 5 xal qabaqlayır. “Şamaxı” isə 14 xalla 8-ci pillədə qərarlaşıb.