5 Noyabr 2025, Çərşənbə
Ayın qolunun qalibi mükafatlandırıldı
"3 xala çox ehtiyacımız var”
Sadıq Sadıqov vəzifəsindən getdi
Abubakar son 6 ilin ilkinə imza atdı

Ölkə futbolu

Abbas Hüseynov: “Sumqayıt”dan "Elfsborq”un acığını çıxmırdıq”

“Qarabağ”ın müdafiəçisi Abbas Hüseynovun Futbolxeber.az saytına müsahibəsi

 

- “Sumqayıt”la oyunda qazanılan  5 qollu qələbə barədə nə deyə bilərsiniz?

- Çox yaxşı oyun keçdi. Hər şey istədiyimiz kimi alındı. Baş məşqçimiz nəyi tələb edirdisə, çalışırdıq onu da meydanda edək. Şükürlər olsun ki, qələbə bizim tərəfdə oldu.

- Hesab arasındakı fərqin bu qədər böyük olmasına səbəb nə idi: erkən qol təsir etdi, yoxsa “Elfsborq”un acığını çıxırdınız?

- Xeyr, elə deməzdim. “Sumqayıt”dan “Elfsborq”un acığını çıxmırdıq. Sadəcə rəqibi düzgün təhlil etmişdik. Pressinq üzərində qurulmuşdu bu oyun. Baş məşqçimiz tapşırmışdı ki, topu itirən kimi rəqibdən alıb, dərhal irəli atılaq.

- Bəs ikinci hissədə dayanmağınıza səbəb nə oldu?

- Bir qədər taktiki dəyişiklik oldu. Mən hücumlara daha az qoşulurdum. Üstəlik, əvəzetmələr oldu. Mümkün qədər çalışdıq top saxlayaq ki, çox yüklənməyək.

- İki gün sonra “Şamaxı”, sonra isə “Araz-Naxçıvan”la qarşılaşacaqsınız. İstirahət ərəfəsində bu oyunlara köklənmək mümkün olacaq?

- İstirahətin öz vaxtı var. İndi bu barədə düşünmürük. Hazırda fikrimiz yalnız ilin son iki oyunu ilə bağlıdır. Əlimizdən gələni edəcəyik ki, bu matçlarda xal itirməyək.

- “Araz-Naxçıvan”ın üzvü Felipe Santos saytımıza müsahibəsində qarşıdakı matçın komandası üçün finala bərabər olduğunu bildirdi. Bəs “Qarabağ” üçün qarşıdakı matç hansı əhəmiyyət kəsb edir?

- Bizim üçün rəqibin kimliyi fərq eləmir. Hər bir oyuna eyni dərəcədə ciddi yanaşırıq. Qurban müəllim də hər zaman tapşırır ki, heç kim arxayınlaşa bilməz, məsuliyyətli olmaq lazımdır. Ümid edirəm ki, “Araz-Naxçıvan”la görüşdə də 3 xalımızı qazanacağıq.

- Son məğlubiyyətdən sonra Avroliqada pley-off şansı demək olar ki, qalmayıb. Bu məqam “Styaua” və “Olimpiakos”la qarşıdakı matçlara 100 faiz konsentrasiya olmağınıza mane olmayacaq?

- Xeyr, əksinə, daha çox motivasiyalı olacağıq. Düzdür, zədəlilərimiz var. Amma inanıram ki, heyətdəki futbolçularla daha da yaxşı oynayıb xallar qazanacağıq. Ümid edirəm ki, hər iki matçda qələbə qazana biləcəyik.

- Əvvəlki mövsümlərlə müqayisədə qış fasiləsinin müddəti çox azdır. Bu məqam işinizi nə dərəcədə çətinləşdirəcək?

- Necə olacağını bilmirəm. Əsas odur ki, heç kim zədələnməsin. Məşqlərdə də əlimizdən gələni edəcəyik ki, yaxşı hazırlıq keçək.

İbrahim Cəfərov








Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Noyabr 2025
B.eÇ.aÇC.aCŞB
01 02
03 04 05 06 07 08 09
10 11 12 13 14 15 16
17 18 19 20 21 22 23
24 25 26 27 28 29 30