4 Aprel 2025, Cümə
Millimiz FİFA reytinqində gerilədi
Samir Abasov: “İnam 100 faiz var”
Elmar Baxşıyevdən qələbə şərhi
II Liqada XIX tura start verildi

Ölkə futbolu

Bədavi Hüseynov: “İsveçə qələbə üçün gedirik”

“Qarabağ”ın kapitanı Bədavi Hüseynovun Futbolxeber.az saytına müsahibəsi

 

- Premyer Liqanın son turunda “Sabah”la heç-heçə oynadınız. Xal itkisini nə ilə əlaqələndirmək olar?

- Bilirdik ki, çətin oyun olacaq. “Sabah” yaxşı komandadır. Baş məşqçi dəyişikliyi ilə yüksəlişə keçiblər. Bizə qədər son 2 matçda qalib gəlmişdilər. Biz isə sıx qrafikdə oynayırıq. Ondan 3 gün əvvəl kubok matçına çıxmışdıq. İlk hissədə oyunumuz istədiyimiz kimi alınmadı. Lakin fasilədən sonra artırdıq. Fərqlənmək üçün xeyli şanslarımız oldu. Təəssüf ki, onlardan tam faydalana bilmədik. Düzdür, uduza da bilərik. Rəqibin də epizodları oldu.

- Əksər klublar ilin son 2 turuna hazırlaşdığı halda, “Qarabağ” həm avrokubok matçına çıxacaq, həm də çempionatda təxirə salınmış qarşılaşmaya. Bu sıx qrafikə dözmək mümkün olacaq?

- Artıq illərdir buna öyrəşmişik. Bu cür sıx qrafikdə oynamaqdan qorxmuruq. Başa düşürük ki, son matçlar çox vacibdir.

- Artıq indidən demək olar ki, qış çempionu “Araz-Naxçıvan”la matçda müəyyənləşəcək?

- “Araz-Naxçıvan” çox yaxşı forma yığıb. Biz də mövsümün ilk yarısını uğurla başa vurmaq istəyirik. Əlimizdən gələni edəcəyik ki, qarşıdakı matçların hamısında qələbə qazanaq.  

- Son vaxtlar “Qarabağ” ilk dəfə çempionatda liderliyi əldən verir. Bu rəqabətin komandanızın xeyrinə olduğunu söyləyə bilərik?

- Əlbəttə. Tək “Araz-Naxçıvan” yox, əksər komandalar artırıb. Bu da bizi daha çox çalışmağa, oyunumuzu yaxşılaşdırmağa vadar edir. Asan oyun yoxdur. Hətta kubokda Qəbələ səfərində belə çətinliklərimiz oldu. Bütün komandalar müdafiə olunmağı bacarır. Bir qədər boşalan kimi çətinliklər yaranır. Bu da bizim üçün xəbərdarlıqdır ki, arxayınlaşmaq olmaz.

- Qarşıdan “Elfsborq”la oyun gəlir. Razısınız ki, Avroliqada mübarizəni davam etdirib-etdirməmək baxımından bu matç həlledicidir?

- Çalışacağıq ki, “Elfsborq”a qarşı oyunumuzu daha da yaxşılaşdıraq. Bizim üçün çox vacib oyundur. Əvvəlki matçlarda çox xal itirmişik. Səfərə yüksək əhval-ruhiyyə ilə yollanırıq. İsveçə 3 xal üçün gedirik. Əlimizdən gələni edəcəyik ki, istəyimizə çataq.

Fərəc Aslanov








Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Aprel 2025
B.eÇ.aÇC.aCŞB
01 02 03 04 05 06
07 08 09 10 11 12 13
14 15 16 17 18 19 20
21 22 23 24 25 26 27
28 29 30