“Turan Tovuz”un futbolçusunun ayağı qırıldı

Azərbaycan kubokunun 1/8 final mərhələsi çərçivəsində keçirilən “Turan Tovuz” - “Sabah” oyunu zamanı üzücü hadisə yaşanıb.

Futbolxeber.az saytının məlumatına görə, matçın 20-ci dəqiqəsində meydan sahibi komandanın müdafiəçisi Denis Marandiçi ağır zədə alıb. Belə ki, “Sabah”ın hücumu zamanı paytaxt klubunun kapitanı Pavol Safrankonun rəqibin cərimə meydançasında qüvvətli zərbəsi topa deyil, Marandiçinin arxadan topuq nahiyəsinə dəyib.

Bu zaman moldovalı futbolçu yerə uzanıb və onun şiddətli ağrının təsirindən bağırtısı televiziya vasitəsi ilə də eşidilib.

Dərhal meydana təcili tibbi yardım maşını daxil olub və Marandiçi xəstəxanaya aparılıb.