1 Dekabr 2025, Bazar ertəsi
"Qəbələ" və "Sumqayıt"dan qələbə
Şükürovun köməkçiləri bilindi
Saşa İliç: “Səhv məndədir”
Qurban Qurbanovdan qələbə şərhi

Ölkə futbolu

“Araz-Naxçıvan”ın müdafiəçisi: “Ona demişdim ki, qol vurub, qaçacam yanına”

“Araz-Naxçıvan”ın müdafiəçisi Ürfan Abbasovun Futbolxeber.az saytına müsahibəsi

 

- “Zirə” ilə oyunda vacib 3 xal qazandınız. Qələbəni necə şərh edərdin?

- Ağır oyun olacağını bilirdik. Vaxtımız az olsa da, yaxşı hazırlaşmışdıq. Keçən matçdan 3 gün sonra meydana çıxdıq. Şükürlər olsun ki, qələbə qazandıq və buna görə çox şadıq.

- Təxminən 10 gün əvvəl də “Zirə” ilə qarşılaşmışdınız. Budəfəki matçın həmin oyundan fərqi nə oldu?

- Elə bir fərqi olmadı. Bu dəfə daha istəkli idik. Qələbə qazanmaq, bir qədər də irəli getmək istəyirdik. Oyunumuz yaxşı alındı və qalib gəldik.

- Vurduğun qolu çılğınlıqla qeyd etdin. Bunun xüsusi bir səbəbi var?

- Yox, xüsusi bir səbəb yox idi. Sadəcə müdafiəçi olduğum üçün az qol vururam. Fərqlənəndə də çox sevinirəm.

- Kənardan belə görünürdü ki, sanki əvvəldən qol vuracağına söz vermişdin. Elədir?

- Oyundan əvvəl köməkçi məşqçimiz Rasim Ramaldanovla söhbətləşirdik. Ona demişdim ki, qol vurub, qaçacam yanına.

- Bu, sayca 8-ci qalibiyyətinizdir. Maraqlıdır ki, bu 8 qələbədən 6-da 1:0 hesabı qeydə alınıb. Sanki qol vurduqdan sonra müdafiədə divar hörürsünüz... 

- Yox, elə deməzdim (gülür). Heç baş məşqçimiz də bizə hesabı qorumaq barədə tapşırıq vermir. Sadəcə oyun elə gətirik ki, qol vururuq və qalib gəlirik. Həm də əsas müdafiədə sıfırda oynamaq, qapımızı toxunulmaz saxlamaqdı. Şükürlər olsun ki, buna nail oluruq.

- Növbəti turda “Sumqayıt”a qarşı keçirəcəyiniz oyundan gözləntilərin nədir?

- Rəqibi analiz edəcəyik. Vaxtımız az olsa da, çalışacağıq ki, yaxşı hazırlaşaq və qələbə qazanaq.

- Hazırda ikinci pilləyə yüksəldiniz. Sona qədər bu tempi qorumaq mümkün olacaq?

- Çalışırıq oyundan oyuna daha yaxşılaşaq. Daha çox qələbə qazanaq, işimiz daha rahat olsun. Çox şadam ki, bu gün ikinci pillədəyik. Bu yerimizi qoruyub saxlamaq istəyirik.

Fərəc Aslanov








Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Dekabr 2025
B.eÇ.aÇC.aCŞB
01 02 03 04 05 06 07
08 09 10 11 12 13 14
15 16 17 18 19 20 21
22 23 24 25 26 27 28
29 30 31