5 Aprel 2025, Şənbə
Millimizin heyəti açıqlandı
Millimiz FİFA reytinqində gerilədi
Samir Abasov: “İnam 100 faiz var”
Elmar Baxşıyevdən qələbə şərhi

Ölkə futbolu

“Növbəti qələbə üçün “Səbail”lə üçüncü dövrədəki oyunu gözləmək lazım gəlməyəcək”

“Sumqayıt”ın müdafiəçisi Elvin Bədəlovun Futbolxeber.az saytına müsahibəsi

 

- Son turda “Səbail”i məğlub etməklə 3 xal həsrətinə son qoydunuz. Qazanılan 1:0 hesablı qələbəni necə şərh edərdin?

- Yaxşı oyun alındı. Komandada konsentrasiya, istək, mübarizə əzmi daha yaxşı idi. Layiqli qələbə qazandıq. Hər oyun belə olsa, qələbələr gələcək. Düzdür, çalışacağımız detallar çoxdur. Lakin inanıram ki, qələbə bizə motivasiya verəcək. Bundan sonra daha da çox çalışacağıq.

- Əvvəlki oyunlarda niyə konsentrasiya, istək belə deyildi?

- Əvvəlki oyunlarda da istək, konsentrasiya var idi. Sadəcə oyundan oyuna fərq olur. Yeni baş məşqçi gəlib. Onun rəhbərliyi altında ilk matçda zəif çıxış etdik. Amma bu o demək deyil ki, istək yox idi. Sadəcə oyun alınmayanda bəzi futbolçular həvəsdən düşür.

- Sona yaxın “Səbail” penalti vurmaq hüququ qazandı. Həmin anda düşünmədin ki, qələbə əldən getdi?

- Yox. Çünki inanırdım ki, qol buraxsaq da, yenidən hesabda önə keçə bilərik. Hücumlarımız alınırdı. Penaltidən qabaq ikinci qolu vursaydıq, daha rahat olardı.

- Üçüncü turda “Səbail”i məğlub etdikdən sonra 1 dövrə qələbə qazana bilmədiniz və yalnız 11-ci turda yenə bu komanda ilə matçda uğursuzluğa son qoydunuz. “Sumqayıt”ın növbəti qələbəsi üçün “Səbail”lə üçüncü dövrədəki oyunu gözləmək lazım gəlməyəcək?

- İnanmıram. Biz də istəməzdik belə vəziyyətə düşək. Fikrimcə, bundan sonra yaxşı olacaq. İnanıram ki, “qara zolaq” bu oyunla da bitdi.

- Ola bilərmi ki, aşağı pillələrdə olmağınız komandanı psixoloji cəhətdən təzyiqdə saxlayır?

- Əlbəttə, turnir cədvəlindəki mövqeyimiz çıxışımıza təsir edir. Həm də hər şey üst-üstə gəldi. Oyunumuz alınmırdı, nəticələr pis idi, baş məşqçi dəyişikliyi oldu - hər şey üst-üstə gələndə çətinlik çəkirsən. Millinin oyunlarına görə çempionatda yaranacaq fasiləyə 2 tur qalıb. Əlimizdən gələni edəcəyik ki, qarşıdakı “Sabah” və “Araz-Naxçıvan”la matçlarda yaxşı nəticə qazanacağıq.

- Matçdan sonra klub rəhbərliyi paltardəyişmə otağına gələrək komandanı təbrik etdi...

- Sağ olsunlar, həmişə gəlirlər, hətta uduzanda da bizə dəstək olurlar. Bu dəfə də komandanı təbrik etdilər. Arzuladılar ki, qələbənin ardı gəlsin.

- Vaqif Cavadovun gəlişi komandada nəyi dəyişib?

- Təbii ki, məşqçidən məşqçiyə fərq var. Amma ciddi bir dəyişiklik omayıb. Hazırda sistem də, tələblər də eynidir. Taktiki cəhətdən bir söz deyə bilmərəm. Həm də düşünürəm ki, bir qədər vaxt lazımdır. Yeni məşqçinin tələbələrinə nə qədər tez uyğunlaşsaq, bir o qədər yaxşı olar.

İbrahim Cəfərov








Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Aprel 2025
B.eÇ.aÇC.aCŞB
01 02 03 04 05 06
07 08 09 10 11 12 13
14 15 16 17 18 19 20
21 22 23 24 25 26 27
28 29 30