4 Aprel 2025, Cümə
Millimiz FİFA reytinqində gerilədi
Samir Abasov: “İnam 100 faiz var”
Elmar Baxşıyevdən qələbə şərhi
II Liqada XIX tura start verildi

Ölkə futbolu

Rüstəm Əhmədzadə: “Biz qələbəyə daha layiq idik”

“Bəxtimiz gətirmədi. Oyun bərabər səviyyədə keçirdi. Qapılar qarşısında real qol epizodları yox idi. Biz şansımızı yaxaladıq və fərqləndik. Hər şey qələbəyə doğru gedirdi. Sadəcə bəxtsizliklə üzləşdik və rəqib penalti ilə heç-heçəyə nail oldu”.

Futbolxeber.az saytına müsahibəsində bu sözləri “Zirə”nin hücumçusu Rüstəm Əhmədzadə Azərbaycan Premyer Liqasının XI turunda “Araz-Naxçıvan”la bərabərə (1:1) qaldıqları oyun barədə danışarkən deyib.

O, hesabda öndə olarkən ikinci qolu vurmadıqları üçün təəssüflənib: “Rəqib heç nədən penalti qazandı. Halbuki “Araz-Naxçıvan”ın real qol epizodu yox idi. Biz ikinci qolu vura bilərdik. Təəssüf ki, bunu bacarmadıq. Halbuki hesabı 2:0 etsəydik, sonda daha rahat oynayardıq”.

“Araz-Naxçıvan”ın ikinci hissədə üstün oynadığını nəzərə alsaq, heç-heçəni ədalətli nəticə saymaq olar?” sualını R.Əhmədzadə belə cavablandırıb: “Dəqiq nəsə demək üçün oyunun təkrarına baxmaq lazımdır. Məncə, biz qələbəyə daha layiq idik. Hansısa komandanın aşkar üstünlüyü olduğunu düşünmürəm. Meydanda daha çox mübarizə gedirdi və qapılar qarşısında real qol epizodları çox az idi”.

24 yaşlı futbolçu növbəti turda qarşılaşacaqları “Şamaxı” ilə matçdan da söz açıb: “Çoxları hesab edir ki, “Şamaxı” autsayderdir. Lakin ilk dövrədə bizi öz meydanımızda məğlub ediblər. Ümumiyyətlə, çempionatda heç bir komandanı asanlıqla udmaq olmur. Qələbə qazanmaq üçün mütləq bütün gücünü meydanda qoymalısan”.

Fərəc Aslanov

 








Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Aprel 2025
B.eÇ.aÇC.aCŞB
01 02 03 04 05 06
07 08 09 10 11 12 13
14 15 16 17 18 19 20
21 22 23 24 25 26 27
28 29 30