"Tottenhem"in baş məşqçisi: "Qarabağ"a qalib gəlmək çox vacib idi"

"Tottenhem"in baş məşqçisi Ange Postekoqlu Avropa Liqasının Liqa mərhələsinin 1-ci turunda "Qarabağ"a 3:0 hesabı ilə qalib gəldikləri matç haqqında danışıb.

 

Futbolxeber.az saytının məlumatına görə, mütəxəssis azlıqda qalmaqlarına baxmayaraq, aktiv oyun nümayiş etdirdiklərini söyləyib: 

 

"Brennan Yonson əla oynadı. Hətta 10 nəfərlə qaldıq, amma passiv olmaq istəmədik. Brennanı görmək istədiyimiz mövqe budur. Hazırda o, özünə inanır. Bizim ona ehtiyacımız olacaq. Dominik Solanke də yaxşı çıxış etdi. Təkcə qolu deyil, həm də ümumi oyunu gözəl alındı. O, güclü futbolçudur və topu özündə saxlamağı bacarır. Dominik həmişə hərəkətdə olan hücumçudur".

 

O, matçın startından razı qalmadığını söyləyib: "Çünki həqiqətən də oyuna intizamsız başladığımızı düşünürdüm. Yüksək tempdə oynamaq istədik. Radu Draquiş qırmızı vərəqə aldı. Bundan sonra ayıldıq. Lakin ilk dəqiqələrdəki oyunumuzdan razı deyildim. Bu axşam qələbə qazanmağımız çox vacib idi. Avropada oynayanda evddəki matçlarında qalib gəlməlisən. Çünki həqiqətən də hə bir səfər oyunu çətin olur".