Azər Bağırov: "Hücumda və orxa xətdə problemlərimiz var"

"Kəpəz"in baş məşqçisi Azər Bağırov Azərbaycan Premyer Liqasının 7-ci turunda "Şamaxı"ya 0:2 hesabı ilə uduzduqları oyunu şərh edib.

Futbolxeber.az saytının məlumatına görə, mütəxəssis komandasının müdafiədə çox kobud səhvlər buraxdığını deyib:

"Oyundan-oyuna tam adaptasiya ola bilmirik. Mən gələndən böyük ölçüdə bəzi şeyləri dəyişmək istəmişik. Amma bəzən alınır, bəzən alınmır. Müdafiədə çox kobud səhvlər buraxdıq. Belə qollar buraxanda komanda istər-istəməz təzyiqə düşür. İkinci hissədə nə qədər cəhd elədik ki, bəzi şeyləri dəyişək lakin alınmadı. Hücumda və orta xətdə problemlərimiz var. Komanda qol vura bilmir. Yaxın vaxtda bunu aradan qaldırmalıyıq. Qalib gəlmək istəyiriksə, hücumda çox şeyi dəyişməliyik. Əlimizdə futbolçular var və ya yoxdu, bu, başqa sualdı".