30 Noyabr 2025, Bazar günü
UEFA “Qarabağ”ı cərimələdi
Kurban Berdiyev: “2 xal itirdik”
Tovuzda qapılara qol vurulmadı
UEFA reytinqində gerilədik

Ölkə futbolu

Mateuş Koxalski: “Qarabağ” “Dinamo”ya lazımi qədər qol vura bilər”

Dünən “Turan Tovuz”a qarşı keçirilən oyunda (0:1) “Qarabağ”ın heyətində debüt edən Mateuş Koxalski matçdan sonra jurnalistlərin suallarını cavablandırıb. Futboxeber.az saytının əməkdaşının da iştirak etdiyi müsahibəni təqdim edirik:

- “Turan Tovuz”la matçı necə şərh edərdiniz?

- Bizim üçün vacib oyun idi. Təəssüf ki, uduzduq. Yaxşı çıxış etmədik. Lakin bilirəm ki, daha yaxşı ola bilərik. Mən komandamıza inanıram. Növbəti hər matçda qələbə qazana bilərik.

- “Qarabağ”ı seçməyinizdə əsas amil hansı oldu?

- “Qarabağ” böyük klubdur. Hər il Çempionlar Liqasında, avrokubokların qrup mərhələsində oynayır. Avrokuboklarda oynamaq mənim uşaqlıq arzumdur. Buna görə də seçimimi “Qarabağ”ın lehinə etdim.

- Sizi gələcəkdə də “Qarabağ”ın əsas heyətində görə biləcəyik?

- Mən əlimdən gələni edəcəm. Bütün gücümü qoyacam ki, əsas heyətdə yer alım. Mənim üçün oynamaq çox vacibdir.

- Zaqreb “Dinamo”su ilə cavab matçından gözləntiləriniz nədir?

- “Qarabağ”ın əvvəlki mərhələdə “Ludoqorets”ə qarşı oyununu izləmişəm. Komanda sübut edib ki, çoxlu qol vura bilər. İndi eyni nəticəni “Dinamo” ilə matçda da təkrarlaya bilərik. Zaqrebdəki ilk matçda da komanda çoxlu qol şansları yaxaladı. Təəssüf ki, onlardan istifadə edə bilmədi. Amma “Qarabağ” cavab matçında lazımi qədər qol vura bilər.

- “Qarabağ”ın avrokubok matçlarını keçirdiyi Tofiq Bəhramov adına Respublika stadionunda hər zaman anşlaq yaşanır. 30 min azarkeşin yaratdığı atmosferdə oynamağa hazırsınız?

- Mən hər zaman hazıram. Məhz elə bunun üçün də oynayıram. Polşada tez-tez 20-30 min azarkeşin dəstəyi altında çıxış etmişəm. Bu cür hallara öyrəncəliyəm.

- “Qarabağ”da adaptasiya dövrünü necə keçirirsiniz?

- Hər hansı bir prolem yoxdur. Komandada hamı məni xoş qarşıladı. Futbolçular, klubun əməkdaşları hər bir məsələdə kömək etməyə çalışırlar. “Qarabağ”da çox gözəl ab-hava var.

Fərəc Aslanov

 








Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Noyabr 2025
B.eÇ.aÇC.aCŞB
01 02
03 04 05 06 07 08 09
10 11 12 13 14 15 16
17 18 19 20 21 22 23
24 25 26 27 28 29 30