“Zirə” pley-offda! - Tarixi qələbə

"Zirə" bu gün UEFA Konfrans Liqasının 3-cü təsnifat mərhələsinin cavab oyununa çıxıb.

Futbolxeber.az saytının məlumatına görə, Rəşad Sadıqovun komandası evdə Xorvatiya təmsilçisi "Osiyek"i qəbul edib. Görüşün əsas vaxtı 2:2 hesabı ilə başa çatıb. Əlavə vaxtda qol vurulmadığından matçın taleyi penaltilər seriyasında həll olunub. Burada daha dəqiq olan "Zirə" (2:1) tarixində ilk dəfə Konfrans Liqasında pley-offa yüksəlib. "Zirə"nin qapıçısı Tiaqo Silva 4 penaltini dəf etməklə matçın qəhrəmanı olub.

III təsnifat mərhələsi, cavab oyunu

15 avqust

"Zirə" (Azərbaycan) - "Osiyek" (Xorvatiya) - 2:2 (penaltilərlə 2:1)

Qollar: Vedran Jukoviç, 37 (0:1), Qismət Alıyev, 55-pen. (1:1), Anton Matkovic, 81 (1:2), Davot Volkov, 90 (2:2)

Baş hakim: Yulian Veinberqer (Avstriya)

"Dalğa Arena"

İlk oyun - 1:1