Millimizin futbolçusu Malayziya klubunda - EKSKLÜZİV

“Neftçi”dən ayrılan Eddi İsrafilovun yeni klubu müəyyənləşib.

Futbolxeber.az saytının əldə etdiyi məlumatına görə, millimizin yarımmüdafiəçisi karyerasını Malayziyada davam etdirəcək.

Mənbəmiz İsrafilovun yeni komandasının adını açıqlamasa da, ölkənin ən iddialı klublarından olduğunu bildirdi. Qarşıdakı saatlarda keçidin rəsmən açıqlanacağı gözlənilir.

Qeyd edək ki, Malayziya İsrafilovun peşəkar karyerasında çıxış edəcəyi üçüncü ölkə olacaq. Buna qədər o, İspaniyada “Real Mursiya”, “Qranada”, “Eibar”, “Kordova”, “Kadis”, “Gimnastik Tarraqona”, “Alkorkon” və “Albasete”də çıxış etdikdən sonra 2022-ci ildə “Neftçi”yə transfer olunub. Ötən mövsüm başa çatdıqdan sonra "ağ-qaralar” Eddi İsrafilovla müqavilənin müddətini uzatmayıb.

Qeyd edək ki, Eddi 2015-ci ildən Azərbaycan millisinin formasını geyir.