Azərbaycan UEFA reytinqində gerilədi

Azərbaycan ötən həftə ilə müqayisədə UEFA-nın əmsallar cədvəlində geriləyib.

 

Futbolxeber.az saytının məlumatına görə, bu həftə keçirilən Avropa kuboklarının oyunlarında mübarizə aparan 3 komandamızdan yalnız biri reytinqə xal əlavə edə bilib. 

 

Məlum olduğu kimi, "Qarabağ" Çempionlar Liqasında "Ludoqorets"ə (1:2), "Sabah" isə Konfrans Liqasında “Sent Patriks”ə (İrlandiya) uduzub (0:1). Yalnız "Zirə" Xorvatiyada "Osiyek"lə görüşdə heç-heçə (1:1) edə bilib. Bunun sayəsində Azərbaycanın reytinqinə daha 0.125 xal əlavə olunub. Hazırda ölkəmizin ümumi xalı 18.500 təşkil edir. Bu nəticə ilə Azərbaycan ötən həftə ilə müqayisədə 1 pillə geriləyərək 24-cü yerə düşüb.

 

23-cü pilləyə isə Slovakiya yüksəlib (18.750 xal). Azərbaycandan bir pillə gerini - 25-ci yeri bölüşdürən İsveçlə Bolqarıstanın isə 18.375 xalı var.

 

Reytinqə əvvəlkitək İngiltərə (89.160 xal) başçılıq edir.