"Çox yaxşı prezidentimiz var"

“Komandamdan çox razıyam, qələbəyə görə çox şadam. “Xəzər Lənkəran”da fərdi baxımdan çox yaxşı futbolçular toplanıb". Futbolxeber.az-ın məlumatına görə, bu sözləri "Xəzər Lənkəran"la oyundan sonra "Bakı"nın baş məşqçisi Milinko Pantiç deyib. Pantiç komandasında maliyyə problemləri olduğunu təkzib edib: "Bu gün 3 gənc futbolçuya oynamaq şansı verdim. Bu futbolçular ölkənin gələcəyidir. Vüqar Mustafayev debüt oyununda gözəl oynadı. Çox qol epizodumuz oldu, yararlana bilmədik, lakin ikinci hissədə üç qol vuraraq qələbə qazandıq. “Bakı” klubunda futbolçuların məvacıb almaması haqqında şaiyələr yalandır. Bizim çox yaxşı prezidentimiz var, hər ay əmək haqqımızı alırıq”.