"Qarabağ" "Ludoqorets"ə məğlub oldu

UEFA Çempionlar Liqasında üçüncü təsnifat mərhələsinin oyunlarına start verilib.

Futbolxeber.az saytının məlumatına görə, Azərbaycan çempionu "Qarabağ" da bu gün meydana çıxıb. Ağdam klubu Bolqarıstan "Ludoqorets"i ilə evdə qarşılaşıb. Matç qonaqların qələbəsi ilə yekunlaşıb. 

Bu komandalar arasında cavab oyunu avqustun 13-də Bolqarıstanda olacaq.

Qeyd edək ki, "Qarabağ" - "Ludoqorets" cütünün qalibi ÇL-in pley-off mərhələsində Zaqreb "Dinamo"su ilə üz-üzə gələcək.

Cütün məğlubu isə yoluna Avropa Liqasının pley-offunda davam edəcək və burada "Petrokub" (Moldova) - TNS (Uels) duelinin qalibi ilə qarşılaşacaq.

UEFA Çempionlar Liqası

III təsnifat mərhələsi, ilk oyun

6 avqust

“Qarabağ” (Azərbaycan) - “Ludoqorets” (Bolqarıstan) - 1:2

Qollar: Diniş Almeyda, 56 (0:1), Juninyo, 64 (1:1), Kayo Vidal, 87 (1:2)

Baş hakim: Urs Şnider (İsveçrə)

Tofiq Bəhramov adına Respublika Stadionu