“Qarabağ”dan 1 gündə 2 qələbə

Avstriyada təlim-məşq toplanışını davam etdirən “Qarabağ” bu gün hazırlıq prosesi çərçivəsində daha iki yoxlama oyunu keçirib.

Futbolxeber.az saytının məlumatına görə, Qurban Qurbanovun komandası əvvəlcə Xorvatiya təmsilçisi “Slaven Belupo” ilə qarşılaşıb. İlk hissənin sonuna yaxın Musa Qurbanlının vurduğu qol Ağdam klubuna qələbə qazandırdı.

İkinci matçda "Qarabağ" BƏƏ-nin “Əl-Şabab” klubu ilə üz-üzə gəlib. Oyun Ağdam klubunun 5:2 hesablı qələbəsi ilə başa çatıb. Abdullah Zubir matçda het-trik edib. "Qarabağ"ın digər qollarını isə Yassin Benzia və Leandro Andrade vurub.

Qeyd edək ki, "Qarabağ" toplanış çərçivəsində iyulun 9-da Almaniyanın “Kayzerslautern” (1:3) və Çexiyanın “Viktoriya” kollektivləri (2:1) ilə üz-üzə gəlib.