20 Iyul 2024, Şənbə
"Neftçi" "Ərzurumspor"la heç-heçə etdi
"Şamaxı"da belçikalı hücumçu
Millimizin rəqibi müəyyənləşdi
“Zirə” penaltilərlə məğlub oldu

Ölkə futbolu

Sərxan Hacıyev: “Müqavilənin bəzi hissələrini açıqlaya bilərik, bəzi hissələrini yox"

“Dünən bu barədə mətbuata məlumat verildi. AFFA İcraiyyə Komitəsinin onlayn formatda iclası keçirildi. İclasda yeni baş məşqçi təyinatı reallaşdı”.

Futbolxeber.az saytının məlumatına görə, bu sözləri AFFA-nın İcraçı vitse-prezidenti Sərxan Hacıyev deyib.

Bu gün milli komandamızın yeni baş məşqçisi Fernandu Santuşun təqdimatında çıxış edən assosiasiya rəsmisi portuqaliyalının geniş təqdimata ehtiyacı olmadığını bildirib: “Ümumi olaraq, Santuşla bağlı elə də çox danışmağa ehtiyac yoxdur. Çünki dünyaca tanınmış məşqçidir. Müxtəlif yığmalarda bir sıra uğurları olub. Yunanıstan millisində layihəni həyata keçirərək, 2014-cü ildə komandanı DÇ-yə çıxarıb. Portuqaliya millisi ilə birgə isə Avropa çempionu olub. Təyinat zamanı bir sıra məqamları nəzərə aldıq”.

S.Hacıyev portuqaliyalı mütəxəssisin qarşısına qoyulan məqsədlər barədə bunları söyləyib: “Əsas məqsədlərdən biri 2028-ci ildə Avropa çempionatının seçmə mərhələsində uğurlu nəticə göstərməkdir. Bunun üçün qarşıdakı illər ərzində işlər görəcəyik ki, istədiyimiz nəticəni əldə edək. AFFA rəhbərliyinin Santuşa, onun da bizə inam var. Danışıqlar prosesində bunu müşahidə etdik. Millimizin müəyyən oyunlarına baxıb. Komandamıza da inandığını bildirib. Bunları da nəzərə alaraq, düşünürük ki, uğurlu iş birliyi olacaq və uzunmüddətli perspektivlərdə müsbət nəticə əldə ediləcək”.

O, “uğurlu çıxış” dedikdə nəyi nəzərdə tutması barədə sualı belə cavablandırıb: “Rəqibdən asılı olmayaraq milli meydana qələbə üçün çıxmalıdır. Santuş məğlubiyyəti qəbul etmir. Amma yer aldığımız qrupların reallığını da qəbul etməliyik. Elə qrup ola bilər ki, biz ancaq birinci yer üçün oynamalıyıq. Elə komandalarla qrupa düşərik ki, reallığı nəzərə almalıyıq”.

Sərxan Hacıyev Fernandu Santuşun son iş yerlərində olduğu kimi, Azərbaycan millisindən də tez ayrılacağı halda böyük məbləğdə təmizminat almaq ehtimalı barədə də danışmayıb: “Müqavilənin bəzi hissələrini açıqlaya bilərik, bəzi hissələrini yox. Maliyyə tərəfini açıqlamırıq. O ki qaldı, Polşa millisində və "Beşiktaş"dakı işlərinə... Həmin komandalardan ayrılmağının da müəyyən səbəbləri var. Ola bilər ki, səbəbləri dəqiq bilmirik. Sırf bilmədiyimiz səbəblərə görə qərar vermək düzgün deyil. Məşqçinin komandadan ayrılması normaldır. Müqaviləmiz üç illikdir, bir il də artırılma şərtilə. Təzminat, məbləğ məsələsini açıqlaya bilmərik”.




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Iyul 2024
B.eÇ.aÇC.aCŞB
01 02 03 04 05 06 07
08 09 10 11 12 13 14
15 16 17 18 19 20 21
22 23 24 25 26 27 28
29 30 31