20 Iyun 2024, Cümə axşamı
“Avro-2024: Futbolxeber.az-la qazan!”
"Qarabağ"ın ÇL-dəki rəqibi müəyyənləşdi
"Şamaxı"da fransalı yarımmüdafiəçi
Sadıqov püşkü dəyərləndirdi

Ölkə futbolu

Arif Əsədov: "Bilməliyik ki, kimlər əsas heyət üzvləridir"

"Çox qısa müddətdir ki, Qazaxıstan millisi ilə oyuna hazırlaşırıq. Futbolçuların fiziki yorğunluğunu aradan qaldırmaq və psixoloji yöndə hazırlıq getdi. Bu gündən artıq Qazaxıstanla oyunu analiz edərək, son məşqə çıxacağıq. Sabah hansı oyun üslubunda oynayacağıq, onun üzərində işləyəcəyik".
 
Futbolxeber.az saytının məlumatına görə, bu sözləri Azərbaycan millisinin məşqçisi Arif Əsədov Qazaxıstanla sabah Macarıstanın Sombatxey şəhərində keçiriləcək yoxlama oyunu üçün təşkil edilən mətbuat konfransında deyib.
 
Mütəxəssis Albaniya ilə matçla müqayisədə heyətdə dəyişiklik ola biləcəyini istisna etməyib: "Heyətdə zədəli oyunçularla bağlı problemlər var. Onların durumuna bu gün aydınlıq gələcək. Coşqun Diniyev zədəlidir. Bəhlul Mustafazadəyə Albaniya ilə görüşdə aldığı zədə çətinliklər yaratdı. Bugünkü məşqdən sonra tam qərar veriləcək. Heyətdə bəzi dəyişikliklər ola bilər. Heyət və oyun üslubu baxımından da başqa cür oynaya bilərik. Bütün məşqlərimizi o istiqamətə yönəldirik. Çalışacağıq ki, sabahkı oyunda dominantlıq edək, rəqibə öz meydançasında pressinq edək. Bunun üzərində işləmişik. Nə qədər nail olacağıq, oyun göstərəcək" 
 
O, milli üçün iki oyun modeli üzərində işlədiklərini vurğulayıb: "Biri bizim kimi və daha güclü komandalar qarşı oyun, biri isə bizim kimi və daha zəif komandalara qarşı. Albaniya kimi komandalara qarşı Rahil Məmmədova şans verdik".
 
Baş məşqçi sabah sağ cinah müdafiəçisi kimi hansı futbolçunun oynayacağı ilə bağlı sualı belə cavablandırıb: "Sağ cinahda iki müdafiəçimiz var, Amin Seydiyev və Qismət Alıyev. Hər ikisini o mövqedə düşünürük. Bugünkü məşqdən sonra qərar veriləcək".
 
A.Əsədov sabahkı matçda əvəzetmələrdə gənclərə çox şans verib-verməyəcəyi ilə  bağlı söyləyib: "Bizim qarşıda rəsmi oyunlarımız var. Ona görə də bilməliyik ki, kimlər əsas heyət üzvləridir. Eyni zamanda komandaya cavan oyunçular da qazandırmalıyıq. Yeni baş məşqçi gələcəksə, o da bilməlidir ki, heyətdə kimlər var" (qol.az).



Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Iyun 2024
B.eÇ.aÇC.aCŞB
01 02
03 04 05 06 07 08 09
10 11 12 13 14 15 16
17 18 19 20 21 22 23
24 25 26 27 28 29 30