16 Iyun 2024, Bazar günü
Avro-2024: Futbolxeber.az-la qazan!
Avro-2024 darmadağınla başladı
Avro-2024-ün ilk qolu vuruldu
Musa Qurbanlı “Qarabağ”a qayıtdı

Ölkə futbolu

Tiaqo Silva: “Komandamla fəxr edirəm”

“Zirə”nin qapıçısı Tiaqo Silvanın Futbolxeber.az saytına müsahibəsi

 

- Mövsümü qələbə və gümüş medalla başa vurdunuz. Son turda “Səbail” üzərində qazanılan 1:0 hesablı qələbəni necə şərh edə bilərsiniz?

- Hazırda böyük ehtimalla, həyatımın ən xoşbəxt dəqiqələrini yaşayıram. Portuqaliyadakı xoş olmayan karyeradan sonra Azərbaycanda çempionatı belə çıxışla, belə nəticə ilə başa vurmaq möhtəşəm hisslərdir. Həm ikinci yerdə olmağımız, həm də avrokuboklara vəsiqə qazanmağımız komandaya sevinc gətirir. "Zirə" Azərbaycan Premyer Liqasında ən yaxşı müdafiə xəttinə malik komandadır. Bu kollektivlə fəxr edirəm. “Zirə”də olmaq qürurvericidir. İndi isə qələbəni qeyd etmək vaxtıdır.

- Bir ara komanda “qara zolağa”a düşmüşdü, sona yaxın yenidən sürət yığdınız. Gedişatı nəzərə alaraq çempionatı ikinci yerdə başa vuracağınızı gözləyirdiniz?

- Biz buna inanırdıq. Amma heç vaxt bunu hədəfləyərək fikrimizi ikinci yeri tutmağa yönləndirmirdik. Hazırda layiq olduğumuz yerdəyik. Oyundan öncə bütün heyət buna inanırdı. Final fitinə qədər əzmkar mübarizə apardıq. Düşünürəm ki, nəticə göstərdiyimiz oyunu əks etdirir.

- Ümumi olaraq bu mövsüm Azərbaycan Premyer Liqasını necə qiymətləndirirsiniz?

- Bu mövsüm mənim üçün ən yaxşı və yaddaqalan oldu. Karyeramda belə bir mövsüm keçirməyim məni sevindirir. Gözlədiyimdən daha yaxşı bir çempionatda çıxış etdim. İndi öz gələcəyim barədə düşünə bilərəm. Növbəti mövsümdə "Zirə"nin heyətində daha yaxşısını etməyə çalışacağam.

- Avrokuboklara vəsiqə qazandınız. Bir qədər erkən olsa da, bu turnirdə hədəfləriniz nədir?

- “Zirə” həmişə hər bir turnirdə qələbə qazanmaq istəyir. Yalnız bu barədə düşünürük. Pley-off mərhələsinə çatmaq əsas hədəflərdən olsa da, Avropa Liqasının qruplarında oynamaq da istəyirik.

- Yekunlaşan mövsümlə bağlı "Zirə" azarkeşlərinə nə demək istərdiniz?

- Bizi dəstəkləyən hər bir azarkeşə təşəkkürümü bildirirəm. Onlar bizi nəinki ev oyunlarında, hətta Qəbələ və Tovuz kimi uzaq səfər matçlarında da tək qoymadılar. Belə azarkeşlərimiz olduğu üçün qürurluyuq. Bugünkü qələbəni də onlara həsr edirik.

- Qarşıda Azərbaycan kubokunun finalı gəlir. Həlledici matçdan gözləntiləriniz nədir?

- Qısa və sadə cavab verəcəm. Həmin matçda "Qarabağ"ı məğlub edib, kuboka sahib olmaq üçün döyüşəcəyik.

Azad Nuriyev

 




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Iyun 2024
B.eÇ.aÇC.aCŞB
01 02
03 04 05 06 07 08 09
10 11 12 13 14 15 16
17 18 19 20 21 22 23
24 25 26 27 28 29 30