“Şamaxı” zirvəyə yüksəldi

Bu gün futbol üzrə Azərbaycan I Liqasında 25-ci turun son 2 oyunu keçirilib.

Futbolxeber.az saytının məlumatına görə, lider “Qaradağ Lökbatan” öz meydanında ən yaxın izləyicisi "Şamaxı"nı sınağa çəkib. Meydan sahibləri fasiləyə üstün yollansalar da, bölgə təmsilçisi ikinci hissədə geridönüş edə bilib. Emin Zamanovun het-triki “Şamaxı”ya vacib qələbə qazandırıb.

Günün digər oyununda “İmişli” gözlənilməz məğlubiyyətlə üzləşib. Komanda səfərdə artıq I Liqa ilə vidalaşması dəqiqləşən “Araz Saatlı”ya uduzub.

I Liqa

25-ci tur

16 may

“Araz Saatlı” - “İmişli” - 2:1

Qollar: Sequn Omotoso, 64 (1:0); 69 (2:0), Xaqani Sadıxov, 89 (2:1)

Qırmızı vərəqə: Gilyerme, 87 (“İmişli”)

“Qaradağ Lökbatan” - “Şamaxı” - 2:3

Qollar: Seyhan Fərəcov, 14-pen (1:0), Emin Zamanov, 31-pen (1:1), Xəlil Bəşirov, 40 (2:1), Emin Zamanov, 48 (2:2); 52 (2:3)

Bu nəticələrdən sonra “Şamaxı” sona 1 tur qalmış zirvəyə yüksəlib. Hazırda 54 xala malik bölgə təmsilçisi vahid liderdir. “Qaradağ Lökbatan” isə 53 xalla ikincidir. Son turda öz meydanında autsayder “Araz Saatlı”nı qəbul edəcək “Şamaxı” qalib gəlməklə çempionluğunu rəsmiləşdirə bilər.