23 May 2024, Cümə axşamı
Avroliqanı "Atalanta" qazandı
I Liqada çempion məlum oldu
II Liqanın bombardiri mükafatlandırıldı
II Liqada mövsümə yekun vuruldu

Ölkə futbolu

90 saniyəyə sığan 4 saatlıq iclas

VƏ YA AFFA-da "YENİ DƏB": HƏR ŞEY MİNİMUM 4 SAAT

Dünən AFFA İcraiyyə Komitəsinin növbəti iclası keçirildi. İclasın gedişi zamanı AFFA-da olan jurnalistlərin feysbukdakı paylaşımlarından, eləcə də toplantını işıqlandırmaq üçün assosiasiyanın binasına yollanan Futbolxeber.az saytının əməkdaşı Fərəc Aslanovla yazışmalarımızdan belə məlum olurdu ki, İcraiyyə Komitəsinin iclası xeyli uzanır. Nəhayət 4 saatdan bir qədər artıq davam edən həsrət bitdi və AFFA prezidenti Rövşən Nəcəf binanı tərk etdi.

Çətinliklə də olsa, jurnalistlər R.Nəcəfdən iclas barədə qısa məlumat əldə edə bildilər. Ona görə qısa ki, Rövşən bəyin 90 saniyəlik səs yazısından yalnız Premyer Liqada iştirakçı sayının artırılmamasını öyrəndik. Daha sonra isə məlum oldu ki, heç legioner limiti də dəyişməyib. Belədə avtomatik olaraq sual yaranır: İcraiyyə Komitəsinin üzvləri 4 saat ərzində nəyi müzakirə ediblər? Bircə futbolu deməyin...

Əvvəlki Komitə üzvlərinin əksəri klub rəhbəridi idi, hər birinin neftə bağlılığı, tankerləri, şirkətləri, bankları, yəni uzun sözün qısası, futboldan başqa müzakirə etməli çox məsələləri var idi. Bəs indikilər 4 saat nəyin müzakirəsini aparıblar? Tutaq ki, Rövşən Nəcəflə Elşad Nəsirov öz aralarında SOCAR-dakı məsələlərdən, Maqsud Adıgözəlovla Balakişi Qasımov “Sabah”dan, Qurban Qurbanovla Səməd Qurbanov futboldan, Zaur Axundovla Ülvi Mansurov ölkə iqtisasiyyatından, Könül Mehtiyeva ilə Leyla Xəlilova Rzazadə qadın haqlarından danışıblar. Bu da aşağı-yuxarı eləsin 1 saat. Bəs sonra?

Kim nə deyir desin, mən İcraiyyə Komitəsinin dünənki iclasında 4 saatdan artıq müddətdə futbolla bağlı müzakirə aparıldığına inanmıram. Bir şey ki, Rövşən Nəcəf toplantıdan sonra deyib: “Əsas qərar odur ki, biz mütəmadi olaraq qısa müddətdən sonra yenidən görüşəcəyik”. Əgər 4 saat davam edən toplantıda qəbul olunan əsas qərar gələcəkdə mütəmadi olaraq görüşməkdisə, daha nə deyəsən?

Rövşən bəy onu da bildirib ki, “Sərxan müəllim press-relizi hazırlayıb, onu təqdim edəcəklər”. Başa düşmədik, Sərxan Hacıyev İcraiyyə Komitəsinin mətbuat katibidir, yoxsa AFFA-nın icraçı vitse-prezidenti? İcraçı vitse-prezident nə vaxtdan press-reliz hazırlayır?..

Ümumiyyətlə, yaxşı olardı ki, Rövşən bəy press-reliz hazırlamaq işini gələn dəfə başqa birinə tapşırsın. Çünki AFFA prezidentinin 19:10 radələrində anonsunu verdiyi həmin press-reliz ictimaiyyətə gecə təqdim edildi. Özü də xəbər formasında, qərarlar xüsusi göstərilməməklə, ümumi mətn kimi. “AFFA-nın İcraiyyə Komitəsinin növbəti iclası keçirilib” başlıqlı xəbər assosiasiyanın saytında təxminən 23:30-da yerləşdirildi. Burdan belə nəticəyə gəlmək olar ki, ya Sərxan bəy çox ləng işləyir, ya da AFFA-da artıq “hər şey 4 saatdan artıq” prinsipi ilə yeni dəb formalaşıb...

İbrahim CƏFƏROV




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

May 2024
B.eÇ.aÇC.aCŞB
01 02 03 04 05
06 07 08 09 10 11 12
13 14 15 16 17 18 19
20 21 22 23 24 25 26
27 28 29 30 31