Azərbaycan Premyer Liqasında aprelin ən yaxşı qolu bilindi

Azərbaycan Premyer Liqasında “Ayın qolu” layihəsi çərçivəsində aprel ayının qalibi müəyyənləşib.

Futbolxeber.az saytının məlumatına görə, bu, "Kəpəz"in futbolçusu Mate Kvirkviyadır. Onun 30-cu turda "Səbail"a qarşı matçda (3:3) vurduğu qol ən yaxşı seçilib. Gürcü futbolçu səsvermədə, Yassin Benzia ("Qarabağ"), Belajdi Pusi ("Turan Tovuz"), Elmir Tağıyev ("Kəpəz") və  Səbuhi Abdullazadəni ("Sumqayıt") qabaqlayıb.

M.Kvirkviyaya 34-cü turda “Neftçi” - “Kəpəz” görüşündən əvvəl mükafatlandırılıb. Ona mükafatları "Neftçi Arena"da Peşəkar Futbol Liqasının Texniki-idman direktoru Elgiz Abbasov təqdim edib.