"Şamaxı" və MOİK-dən qələbə, mərkəzi oyunda sülh

I Liqada XXV tura yekun vurulub.

Futbolxeber.az saytının məlumatına görə, bu gün 4 qarşılaşma keçirilib.

Turun mərkəzi görüşündə "İmişli" öz meydanında lider "Qaradağ Lökbatan"ı qəbul edib. Oyunda qapılara qol vurulmayıb.

Çempionluq mübarizəsini davam etdirən "Şamaxı" isə evdə "Karvan"dan üstün olub - 3:0.

"Araz Saatlı" - MOİK - 0:5

Qollar: Elmir Rəhimzadə, 38, 47, 62, Cavidan Abbaszadə, 90, Elvin Valiev, 90+3

"Şamaxı" - "Karvan" - 3:0

Qollar: Emin Zamanov, 19, Qurban Səfərov, 38, Bəhruz Teymurov, 54

"Mingəçevir" - "Zaqatala" - 0:0

"İmişli" - "Qaradağ Lökbatan" - 0:0

Bu nəticələrdən sonra lider "Qaradağ-Lökbatan"ın 53, 2-ci pillədə qərarlaşan "Şamaxı"nın isə 51 xalı var. Növbəti tur bu iki komanda üz-üzə gələcək. Bu vacib matç mayın 16-da keçiriləcək.