Nazir iş adamlarına səsləndi

“Artıq ikinci ildir ki, Bakı kənd və qəsəbələri arasında minifutbol turniri təşkil olunur. Birgə təşkilatçılığa görə Bakı Abadlıq Xidmətinə minnətdaram. Bakı Abadlıq Xidməti ilə cüdoda da əməkdaşlığımız davam edir. Fürsətdən istifadə edib iş adamlarını idmana dəstək olmağa çağırıram”.

Futbolxeber.az saytına açıqlamasında bu sözləri bu gün keçirilən Bakı kənd və qəsəbələri arasında minifutbol turnirinin yekunu barədə danışarkən gənclər və idman naziri Fərid Qayıbov deyib.

Nazir bildirib ki, bu cür turnirlərin təşkili Azərbaycan futbolunun inkişafına fayda verəcək: “Bu turnir uşaq futbolunun inkişafı üçün böyük bir addımdır. Biz bir müddət əvvəl 15 yaşlılar arasında iki beynəlxalq turnir də keçirmişik. Belə yarışlar nə qədər çox olsa, uşaqlarımız bir o qədər inkişaf edər. İnanıram ki, bu uşaqları gələcəkdə milli komandamızda görəcəyik”.

Fərəc ASLANOV