“Neftçi”də maliyyə böhranı

Ölkə kubokunda finaldan kənarda qalan, çempionatda isə sona 3 tur qalmış 5-ci pillədə qərarlaşan “Neftçi”də maliyyə böhranı yaşanır.

Futbolxeber.az saytının əldə etdiyi məlumata görə, komanda üzvləri aylardır maaşa həsrətdirlər.

Sonuncu dəfə fevral ayının məvacibini alan “Neftçi”lilərin üzü nəhayət ki, dünən gülüb. Belə ki, mayın 8-də futbolçulara mart ayının maaşı ödənilib. Aprelin məvacibinin nə vaxt veriləcəyi isə qeyri-müəyyəndir. Maraqlıdır ki, mayın əvvəlində martın maaşını alan futbolçudan uğur gözləmək nə dərəcədə düzgündür?

Qeyd edək ki, “Neftçi”da maliyyə böhranının yaşanması səbəbsiz deyil. Cari mövsüm üçün ayrılan büdcə mövsüm başa çatmamış bitib. Hara və necə? Bu, artıq başqa söhbətin mövzusudur...