"Neftçi" və "Sumqayıt"dan qələbə

Azərbaycan Premyer Liqasında 32-ci turun oyunları davam edir.

Futbolxeber.az saytının məlumatına görə, bu gün daha 3 matç keçirilib.

Əvvəlcə "Qəbələ" "Kəpəz"i qəbul edib. Oyun qonaqların qələbəsi ilə başa çatıb. Bu nəticədən sonra "Qəbələ"nin mövsümü sonuncu pillədə başa vuracağı rəsmiləşib və reqlamentə görə, komanda elitanı tərk etməlidir. Ancaq bununla bağlı son qərarı AFFA İcraiyyə Komitəsi verəcək. "Kəpəz" isə xallarını 34-ə çatdırıb və ən azı bir günlük də olsa, "Araz-Naxçıvan"ı qabaqlayaraq 8-ci yerə yüksəlib.

Turun digər görüşündə "Turan Tovuz" "Neftçi"nin qonağı olub. Matç meydan sahiblərinin qələbəsi ilə başa çatıb.

Günün son qarşılaşmasında 28-ci turda çempionluğu rəsmiləşdirən "Qarabağ" səfərdə "Sumqayıt"la üz-üzə gəlib. Oyun meydan sahiblərinin qələbəsi ilə başa çatıb - 1:0. Bu qələbədən sonra xallarını 50-ə çatdıran Samir Abasovun komandası "Zirə"ni qabaqlayaraq 2-ci pilləyə yüksəlib.  Ancaq "Zirə"nin sabah "Araz-Naxçıvan"la oyunu var.

Azərbaycan Premyer Liqası

XXXII tur

28 aprel (bazar)

“Sumqayıt” - “Qarabağ” - 1:0

Qol: Roi Kehat, 70

Hakimlər: Rauf Cabarov, Vüsal Məmmədov, Zöhrab Abbasov, Kamranbəy Rəhimov

Mehdi Hüseynzadə adına Sumqayıt şəhər stadionu

“Neftçi” - “Turan Tovuz” - 3:0

Qollar: Filip Ozobiç, 15. Yuri Matias, 31-pen. Rəhman Hacıyev, 70-pen.

Qırmızı vərəqə: Bruno Qonçalves, 62 ("Turan Tovuz")

Hakimlər: Rəvan Həmzəzadə, Cəmil Quliyev, Şirmamed Mamedov, Əli Əliyev

“Neftçi Arena”

“Qəbələ” - “Kəpəz” - 0:1

Qol: Martins Junior, 7

Hakimlər: İnqilab Məmmədov, Namiq Hüseynov, Rahil Ramazanov, Fərid Hacıyev

Qəbələ şəhər stadionu

29 aprel (bazar ertəsi)

19:00. “Zirə” - “Araz-Naxçıvan”

27 aprel (şənbə)

“Sabah” - “Səbail” - 2:0

Bombardirlər: Olavio Juninyo ("Qarabağ") - 17 qol, Aleksandr Ramalinqom ("Səbail") - 13 qol, Yassin Benzia ("Qarabağ") - 12 qol