Elmar Baxşıyev: “Hakim oyunun nəticəsinə təsir etmədi”

"Bərabər səviyyəli oyun getdi. Çox sayda hücum təşkil etdik, sadəcə son nöqtəni qoymaqda çətinlik çəkirdik. Oyun planında komandaya etirazım yoxdur. Komanda hücum planında istədiyimi meydanda verməyə çalışırdı. Düzələsi bəzi elementlər var ki, komanda olaraq onların üzərində məşq prosesində çalışırıq. Mövsümün sonuna kimi bir az motivasiyanı yüksəldib, sona qədər oynamaq vacibdir".

Futbolxeber.az saytının məlumatına görə, bu sözləri Azərbaycan Premyer Liqasının 31-ci turunda "Səbail"ə 0:2 hesabı ilə uduzduqları oyundan sonra "Araz-Naxçıvan"ın baş məşqçisi Elmar Baxşıyev deyib.

Naxçıvan təmsilçisinin çalışdırıcısı qeyd edib ki, komandada qalsa, yeni mövsüm üçün heyətdə ciddi dəyişikliklər etməyəcək: “Yaxşı oyunçular var. Ad çəkməyəcəyəm. Hər bir komandaya əlavələr vacibdir. Daha da inkişaf etmək istəyiriksə...Bəzi mövqelər var ki, orada rəqabət yoxdur. Gələcəkdə nə olacaqsa, ona uyğun çalışacağıq”.

Mütəxəssis bildirib ki, ardıcıl məğlubiyyətlər psixoloji problemlərlə əlaqədar deyil: “Çalışırıq ki, komandanın üzərində təzyiq olmasın. Bu gün məğlubiyyətimizin səbəbi psixoloji məqamlar deyil. Oyunçular meydanda çalışırlar. Ani diqqətsizlik nəticəsində qapımızda iki standar vəziyyətindən qol gördük. Bu da qaçılmazdır”.

“Səbail”ə məğlubiyyətin hakimliklə bağlı olmadığını söyləyib: “Bugünkü oyundan danışırıqsa, hakim oyunun nəticəsinə təsir etmədi. Sadəcə bəzi epizodlarda mübarizəni davam etdirə bilərdi. Amma çox xırda foaullarla müdaxilələr etməyə çalışırdı. Bu gün hakimlik pis deyildi”.