Vüsal üçün 59, Coşqun üçün 91 dəqiqə

Türkiyə birinci liqasında 30-cu turun oyunları keçirilir.

Futbolxeber.az saytının məlumatına görə, Vüsal İsgəndərlinin formasını geydiyi “Boluspor” öz meydanında Coşqun Diniyevin çıxış etdiyi “Ümraniyespor”u qəbul edib.

Hər iki millimizin üzvü meydana start heyətində çıxıb. Vüsal 59-cu, Coşqun isə 90+1-ci dəqiqədə əvəzlənib.

Görüş “Bolusport”un 1:0 hesablı qələbəsi ilə başa çatıb.

30 oyundan sonra İsgəndərlinin komandası 46 xalla 7-ci, Diniyevin klubu isə 34 xalla 12-ci pillədə qərarlaşıb.