Dieqo Valdez: “4 top fərqə ötəri baxıb, gülüb keçmək lazım deyil”

“Qarşılaşma olduqca çətin keçdi. "Qarabağ"a qarşı oynayırsansa, bu çətinlikdən xəbərdar olmalısan. Bununla belə, biz əlimizdən gələni etdik”.

Futbolxeber.az saytına müsahibəsində bu sözləri “Neftçi”nin yarımmüdafiəçisi Dieqo Valdez “Qarabağ”a 0:4 hesabı ilə uduzduqları Azərbaycan kubokunun yarımfinal mərhələsinin ilk oyunu barədə danışarkən deyib.  

Paraqvaylı oyunçu nəticənin göz önündə olduğunu söyləyib: “Təəssüf ki, sonluq o qədər də yaxşı alınmadı. Son dəqiqələrə qədər döyüşməyə çalışdıq. "Qarabağ" güclü komandadır, bu gücdə olan bir komanda oynamaq asan deyil, amma nəticə göz qabağındadır”.

Valdez hər oyunda yaxşı nəticə qazanmalı olduqlarını vurğulayıb: “Həqiqətən komanda bu matça olduqca yaxşı əhval-ruhiyyədə çıxmışdı. Biz daim öz üzərimizdə çalışırıq. Futbolun əsas tələbi budur, hər oyun yaxşı oynamalı nəticələr qazanmalısan. Bu gün bizdə alınmadı”.

30 yaşlı yarımmüdafiəçi cavab görüşünə də toxunub: “Gərgin bir cavab oyunu olacaq. Çünki biz 4 top fərqlə geridəyik. Bu fərqə ötəri baxıb, gülüb keçmək lazım deyil, dediyim kimi bu, futboldur. Biz bacardığımız hər şeyi edirik”.

Azad NURİYEV