Millimizin üzvlərinin qarşıdurmasında sülh

Türkiyə 1-ci liqasının 28-ci turunda Azərbaycan millisinin futbolçuları üz-üzə gəliblər.

Futbolxeber.az saytının məlumatına görə, Bəxtiyar Həsənəlizadənin çıxış etdiyi “Tuzlaspor” Coşqun Diniyevin oynadığı “Ümraniyəspor”u qəbul edib. Oyun 1:1 hesabı ilə başa çatıb.

Hər iki futbolçumuz meydana start heyətində çıxıb. B.Həsənlizadə sonadək oynayıb. C.Diniyev isə 90+4-cü dəqiqədə əvəzlənib.

Qeyd edək ki, hazırda “Tuzlaspor” 28 xalla cədvəlin 15-ci, “Ümraniyəspor” isə 34 xalla 11-ci pilləsində yer alıb.