"Səbail" əzmkar qələbə ilə ikinci pillədə, "Neftçi" "Qarabağ"la bacarmadı

Bu gün Azərbaycan Premyer Liqasında 25-ci tura yekun vurulub.

Futbolxeber.az saytının məlumatına görə, son oyun günündə 2 matç keçirilib.

Əvvəlcə Premyer Liqada qalmaq uğrunda mübarizə aparan "Qəbələ" "Səbail"i qəbul edib. İlk hissədə 2 top fərqi ilə önə keçməsinə baxmayaraq, sonradan azlıqda qalan Kaxaber Sxadadzenin komandası qalibiyyəti əldən verib. Şahin Diniyevin komandası isə əzmkar qələbə sayəsində turnir cədvəlində ikinci pilləyə yüksəlib. 

Turun mərkəzi və sonuncu matçında isə lider "Qarabağ" ikinci pillədə qərarlaşan "Neftçi"nin qonağı olub. Matç Ağdam klubunun böyükhesablı qələbəsi ilə başa çatıb.

Azərbaycan Premyer Liqası

XXV tur

3 mart (bazar)

“Neftçi” - “Qarabağ” - 1:4

Qollar: Nəriman Axundzadə, 47 (0:1), Toral Bayramov, 60-pen. (0:2), Filip Ozobiç, 71-pen. (1:2), Toral Bayramov, 90+3 (1:3), Leandro Andrade, 90+7 (1:4)

Hakimlər: Elçin Məsiyev, Elşad Abdullayev, Pərvin Talıbov, Nicat İsmayıllı

“Neftçi Arena”

“Qəbələ” - “Səbail” - 2:3 

Qollar: Ürfan Abbasov, 13 (1:0), Osama Xalayla, 26 (2:0), Yusif Nəbiyev, 58 (2:1), Rüfət Abdullazadə, 65 (2:2), Nir Bardea, 90+1 (2:3)

Qırmızı vərəqə: Lukas Afriko, 41 ("Qəbələ")

Hakimlər: Rauf Cabarov, Müslüm Əliyev, Cəmil Quliyev, Kamranbəy Rəhimov

Qəbələ şəhər stadionu

1 mart (cümə)

“Sumqayıt” - “Kəpəz” - 1:3

2 mart (şənbə)

“Sabah” - “Araz-Naxçıvan” - 2:0

“Zirə” - “Turan Tovuz” - 1:1

Bombardirlər: Olavio Juninyo ("Qarabağ") - 15 qol, Aleksandr Ramalinqom ("Səbail") - 11 qol, Orxan Əliyev (“Araz-Naxçıvan”), Yassin Benzia ("Qarabağ") - 9 qol, Pedro Nuno ("Səbail") - 7 qol