Avropanın 3 klubu Zubirlə maraqlanır

Almaniya və Şotlandiya klubları “Qarabağ”ın futbolçusu Abdullah Zubirlə maraqlanırlar.

Futbolxeber.az saytının “onefootball.com”a istinadən verdiyi məlumata görə, söhbət “Auqsburq” və “Seltik”dən gedir.

Bu kollektivlər fransalı yarımmüdafiəçini mövsümün sonunda heyətlərinə qatmaq barədə düşünürlər. 32 yaşlı hücumameyilli futbolçunun UEFA Avropa Liqasının pley-off mərhələsində “Braqa” ilə görüşdə (4:2) 2 qol, 1 məhsuldar ötürmə verməsi “Auqsburq”la “Seltik”in diqqətini çəkib. Eyni zamanda, Fransa Liqa 1-də çıxış edən bir klubun da ona maraq göstərdiyi bildirilir.

Qeyd edək ki, Abdullah Zubirin “Qarabağ”la müqavilə müddəti mövsümün sonuna qədərdir.