“Portu”nun yetirməsi “Səbail”də

“Səbail” qış transfer pəncərəsi zamanı ilk transferini reallaşdırıb.

Futbolxeber.az saytının klubun feysbuk səhifəsinə istinadən verdiyi məlumata görə, paytaxt təmsilçisi 25 yaşlı cinah yarımmüdafiəçisi Madi Quetanı heyətinə qatıb. Klub onunla 1,5 illik müqavilə imzalayıb.

Queta son olaraq Portuqaliyanın 2-ci divizion təmsilçisi “Mafra”da çıxış edib. O, “Portu”nun yetirməsidir və karyerası ərzində “Farense”, “Çerno More” və “Vilafranquense” klublarının da formasını geyinib.

Portuqaliyanın U-15, U-16, U-17, U-18, U-19 və U-20 millilərinin şərəfini qorumuş Madi Queta həmçinin Qvineya-Bissau yığmasının üzvüdür.