“Qarabağ”dan rəsmi açıqlama: “Futbolçu yaxın günlərdə həkim kontrolundan keçəcək”

“Rahil Məmmədov ona Polşa klubundan təklif gəldiyini, “Qarabağ” icazə verərsə, Avropada legioner həyatı yaşamaq istədiyini bildirdi”.

Futbolxeber.az saytına açıqlamasında bu sözləri “Qarabağ”ın mətbuat xidmətinin rəhbəri Anar Hacıyev komandanını üzvü Rahil Məmmədovun Polşanın LKS klubuna transfer olunacağı barədə yayılan xəbərləri şərh edərkən deyib.

Klub rəsmisi “Qarabağ”ın bu transferə “yaşıl işıq” yandırdığını bildirib: “Məşqçilər korpusu və rəhbərlik yerli futbolçunun Avropada oynamaq şansını və perspektivini nəzərə alaraq Rahilə getməklə bağlı icazə verdi. Futbolçu yaxın günlərdə həkim kontrolundan keçəcək. Prosesin uğurla nəticələnəcəyi halda, klubumuz Rahilin keçidinə şərait yaradacaq”.