“Sumqayıt” “Hermanştadt”a məğlub oldu

Antalyada təlim-məşq toplanışı davam etdirən “Sumqayıt” bu gün hazırlıq prosesi çərçivəsində ilk yoxlama oyununa çıxıb.

Futbolxeber.az saytının məlumatına görə, Samir Abasovun komandası Rumıniya təmsilçisi “Hermanştadt”la üz-üzə gəlib.

Matçın ilk yarısında qapılara qol vurulmayıb. Fasilədən sonra 3 dəfə məyus olan təmsilçimiz meydanı məğlub tərk edib. 

Qeyd edək ki, “Sumqayıt” Antalyadakı sonuncu oyununda yanvarın 16-da Özbəkistan təmsilçisi “Soqdiana” ilə qarşılaşacaq.

Yoxlama oyunu

12 yanvar

"Sumqayıt” (Azərbaycan) - “Hermanştadt” (Rumıniya) - 0:3

Qollar: Florin Bejan, 46, Ruben Fonseca, 49, Ianis Mihart, 80

"Fanatik Belek Sport Center"