“Neftçi”nin keçmiş müdafiəçisi: “Bojoviç getdiyi hər yerdə uğur qazanıb”

“Neftçi”nin keçmiş müdafiəçisi Vojislav Stankoviç Miodraq Bojoviçin “ağ-qaralar”ın baş məşqçisi təyin edilməsinə münasibət bildirib.

Futbolxeber.az saytına müsahibəsində serbiyalı müdafiəçi Bojoviçin getdiyi çalışdığı hər klubda fəaliyyətinin uğurlu alındığını bildirib:

“Şəxsi tanışlığımız olmasa da, məşqçi kimi Miodraq Bojoviçi tanıyıram. Bilirəm ki, o, getdiyi hər yerdə uğur qazanıb. İstər Serbiyada, istərsə də Rusiyada çempionluq, kubok qazanıb. Miodraq Bojoviçin çox böyük məşqçi təcrübəsi var”.