"Zirə" və "Səbail" 1/4 finalda

Bu gün Azərbaycan kubokunda 1/8 final mərhələsinin daha iki oyunu keçirilib.

Futbolxeber.az saytının məlumatına görə, günün ilk matçında "Səbail" I Liqa təmsilçisi "Şamaxı"nı qəbul edib. Rəqibini darmadağın edən Şahin Diniyevin komandası 1/4 finala adlayıb.

Daha sonra 2 Premyer Liqa təmsilçisi "Zirə" və "Turan Tovuz" birincinin meydanında üz-üzə gəliblər. Sona yaxın ardıcıl 2 qol vuran Rəşad Sadıqovun komandası əzmkar qələbə sayəsində 1/4 finalda "Səbail"ə rəqib olub 

Qeyd edək ki, daha əvvəl "Sabah", "Sumqayıt", "Araz-Naxçıvan" və "Qəbələ" 1/4 finala vəsiqə qazanıb. Bu mərhələyə sabah keçiriləcək 2 matçla yeku vurulacaq.

Azərbaycan Kuboku

1/8 final

20 dekabr

"Zirə" - "Turan Tovuz" - 2:1 

Qollar: Otto Con, 4 (0:1), Filipe Paxtman, 82 (1:1), Rüstəm Əhmədzadə, 89 (2:1)

Hakimlər: İnqilab Məmmədov, Müslüm Əliyev, Rəhman İmami, Rəvan Həmzəzadə

Zirə İdman Kompleksinin stadionu

"Səbail" - "Şamaxı" - 8:0

Qollar: Amil Yunanov, 23-pen; 45, Pedro Nuno, 50, Rüfət Abdullazadə, 56, 80, Adi Mehremiç, 90+2

Hakimlər: Tural Qurbanov, Rahil Ramazanov, Zöhrab Abbasov, Rövşən Rəcəbov

"ASCO Arena"

14:00. “Qarabağ” - MOİK

18:00. “Neftçi” - “Qaradağ Lökbatan”

18 dekabr

"Sumqayıt" - "Karvan" - 3:1

"Kəpəz" - "Sabah" - 3:4

19 dekabr

"İmişli" - "Qəbələ" - 0:1

"İrəvan" - "Araz-Naxçıvan" - 2:8

1/4 final cütləri

"Araz-Naxçıvan" - "Qəbələ"

"Sumqayıt" - “Neftçi” / "Qaradağ Lökbatan" cütünün qalibi

"Sabah" - "Qarabağ" / MOİK cütünün qalibi

"Səbail" - “Zirə”