Coşqun qol vurdu, komandası qalib gəldi

Azərbaycan millisinin futbolçusu Coşqun Diniyevin formasını geyindiyi "Ümraniyespor" Türkiyə 1-ci liqasında  14-cü tur oyununa çıxıb.

Futbolxeber.az saytının məlumatına görə, komanda "Kocaelispor"un qonağı olub və 3:0 hesabı ilə qalib gəlib. C.Diniyev start heyətdə meydana çıxıb və 83-cü dəqiqədə əvəzlənib. O, komandasının ilk qolunun müəllifi olub. Diniyev 29-cu dəqiqədə rəqib qapısına yol tapıb.

Qeyd edək ki, "Ümraniyespor" 15 xalla 12-ci pillədə qərarlaşıb.