“Turan Tovuz”la oyunöncəsi “Səbail”də ciddi itkilər: “Zədəlilərimiz çoxdur”

Bu gün Azərbaycan Premyer Liqasının XII turu çərçivəsində öz meydanında “Turan-Tovuz”u qəbul edəcək “Səbail” ciddi itkilərlə üzləşin.

Futbolxeber.az saytına müsahibəsində bu barədə paytaxt klubunun baş məşqçisi Şahin Diniyev məlumat verib.

Təcrübəli mütəxəssis bildirib ki, müdafiə xəttində ciddi problemlər yaşayırlar:

“Zədəlilərimiz çoxdur. Adil Nağıyev əvəzedicilərin heyətində sıradan çıxdı, əməliyyat olunan Vüqar Həsənov yenicə komandaya qoşulub. Yusif Nəbiyev zədəlidir. Durumuna bu gün aydınlıq gələcək. İndidən meydana çıxıb-çıxmayacağı məlum deyil. Adi Mehremiçin də kiçik zədəsi var. Lakin düşünürəm ki, bu gün o, komandaya kömək edə biləcək. Cabir Əmirli bilirsiz ki, əməliyyat olunub. Onun yoxluğu ciddi itkidir. Fikir verdizsə, bütün itkilərimiz arxa xətlə bağlıdır. Buna görə də müdafiədə ciddi problemlərimiz ola bilər”.