31 Avqust 2025, Bazar günü
"Qarabağ" "Karvan"ı məğlub etdi
Baxşıyev: “Çempionluq sözlə olmur”
Rəşad Sadıqovdan qələbə şərhi
“Neftçi” Ohorini icarəyə verdi

Ölkə futbolu

Reqlamentin pozulduğunu təsdiqlədilər: “Kənarda olanlar işlərini düzgün görməlidirlər”

Xəbər verdiyimiz kimi, bu gün II Liqanın 8-ci turu çərçivəsində keçirilən “Dinamo” - “Kür Araz” oyununda reqlament pozulub. Qonaq komanda ikinci hissədə meydana adı matçın protokolunda olmayan oyunçu daxil etdiyi üçün AFFA İntizam Komitəsi tərəfindən texniki məğlubiyyətlə cəzalandırılacaq.

“Kür Araz”ın baş məşqçisi Ələmdar Mustafayev Futbolxeber.az saytına açıqlamasında texniki səhvə yol verdiklərini bildirib: “Bu, sırf texniki səhvdir. Ceyhun  Quliyev komandanın daimi opyunusudur. Matçdan öncə protokolu mən doldurmuram. Təəssüf ki, sənədləri yazan şəxs Ceyhunun adını ehtiyat oyunçular skamyasında qeyd etməyi unudub”.

“Kür Araz”ın aparıcı üzvlərindən olan Cavid İmamverdiyev Futbolxeber.az saytının əməkdaşı ilə söhbətində heç kimi günahlandırmasa da, bu cür məsələlərdə daha diqqətli olmağın vacibliyini qeyd edib: “Matçın gedişində 0:2 geridə olsaq da, geridönüş elədik, qalib gəldik. Bu, sevindirici haldır. Lakin protokolda edilən səhv adamı məyus edir. Nə etmək olar, texniki səhvdir. Buna görə heç kimi günahılandırmıram. Lakin belə hallarda daha diqqətli olmaq lazımdır. Komanda əziyyət çəkir. Kənarda olanlar işlərini düzgün görməlidirlər”.

Fərəc ASLANOV

 

 








Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Avqust 2025
B.eÇ.aÇC.aCŞB
01 02 03
04 05 06 07 08 09 10
11 12 13 14 15 16 17
18 19 20 21 22 23 24
25 26 27 28 29 30 31