“Futbolçularımın əziyyətinə heyfim gəlir”

“Futbolçularımın əziyyətinə heyfim gəlir. Bu gün rəqibdən üstün, yaxşı futbol oynadılar”.

Futbolxeber.az saytının məlumatına görə, bu sözləri Avropa çempionatının seçmə mərhələsi çərçivəsində bu gün “Azersun Arena”da keçirilmiş Azərbaycan - Şimali İrlandiya qarşılaşmasından sonra 21 yaşadək futbolçulardan ibarət milli komandamızın baş məşqçisi Samir Əliyev deyib.

O, standart vəziyyətdən buraxılan qola görə təəssüflənib: “Rəqibi təhlil etmişdik. Hansı mövqelərdə üstün olduğunu bilirdik. Təəssüf ki, standart vəziyyətdən sonra qol buraxdıq. Yaratdığımız qol imkanlarından istifadə edə bilmədik. Hətta penaltidən istifadə edə bilmədik. Bu oyunu unudub qarşıdakı Lüksemburqla matça hazırlaşmalıyıq. Növbəti qarşılaşmada qələbə qazanmaq lazımdır”.