“Fikrimcə, “Qarabağ” “Hekken”ə 2 top fərqi ilə qalib gələcək” - AÇIQLAMA

“Fikrimcə, "Qarabağ" bu gün 2 top fərqi ilə qalib gələcək. Əgər "Hekken"ə qalib gələ bilməsək, qrupda ikinci yer uğrunda mübarizə aparmağımız sual altına düşər”.

Futbolxeber.az saytına açıqlamasında bu sözləri futbol mütəxəssisi Aslan Kərimov UEFA Avropa Liqasının qrup mərhələsinin ikinci turu çərçivəsində keçiriləcək “Hekken” - “Qarabağ” oyunu barədə danışarkən deyib.

Veteran futbolçu qeyd edib ki, Ağdam klubu İsveç çempionunu təcrübəsinə görə üstələyir:

“Bu qrupda “Qarabağ” istər “Mölde”dən, istərsə də “Hekken”dən üstündü. Həm büdcə, həm də təcrübə baxımından. İndi qalır bunu meydanda sübut etmək. “Qarabağ”ın oyun üslubu da Skandinaviya təmsilçiləri ilə matçlarda uğur qazanmağa imkan verir. Mənə elə gəlir ki, "Hekken" "Mölde"dən zəifdir. Potensial olaraq "Qarabağ"ın oyunçularının gücünə əsasən bu oyunda rahat qalib gələcəyimizi fikirləşirəm. Heç-heçəni düşünmək belə istəmirəm. "Qarabağ" bu matçda çətinlik çəkməli deyil. İsveç təmsilçisi ağır müdafiəçilərə malikdir. Belə bir oyunçulara qarşı "Qarabağ"ın hücumçuları bu xətti yara biləcək”.

Azad NURİYEV