“Sabah” - “Turan Tovuz” matçı niyə millimizin Belçika ilə oyunu ilə eyni vaxtda başlayıb?

“Turan Tovuz”un baş məşqçisi Ayxan Abbasov dünən “Sabah”a qarşı keçirilən yoxlama görüşünün milli komandamızın Avro-2024-ün seçmə mərhələsi çərçivəsində Bakıda Belçikaya qarşı keçirilən oyunla eyni vaxtda başlamasına münasibət bildirib.

Futbolxeber.az saytına müsahibəsində təcrübəli mütəxəssis qeyd edib ki, görüşün başlama saatı hər iki komandanın birgə istəyi əsasında müəyyənləşdirilib:

“Biz özümüzə uyğun vaxt seçdik. Çox gec və ya çox tez də oynamaq olmur. Hava şəraitini də nəzarə almalıyıq. Görüşün başlama vaxtı hər komandanın istəyi əsasında müəyyənləşdirilib. Təbii ki, milli komandamızın da oyunlarını izləyirik”.