“Turan Tovuz” Bakıda yoxlama oyunu keçirəcək

Azərbaycan Premyer Liqasının sonuncu V turunda “Sabah”la oyunun ardından istirahətə buraxılan “Turan Tovuz” bu gündən məşqləri bərpa edir.

Futbolxeber.az saytına bu barədə Tovuz klubunun baş məşqçisi Ayxan Abbasov məlumat verib. O bildirib ki, komanda bu gündən Bakıda məşqlərə start verəcək. Sentyabrın 9-da isə “Turan Tovuz” yoxlama oyunu keçirəcək. Komanda son turda məğlub etdiyi “Sabah”la bu dəfə hazırlıq matçında üz-üzə gələcək.

Qarşılaşma "Bank Respublika Arena"da baş tutacaq. Matçın başlama vaxtı görüşə 2-3 gün qalmış müəyyənləşəcək.