Roi Kehat: “Samir Abasovun məndən nə istədiyini bilirəm” - AÇIQLAMA

“Təbii ki, “Neftçi” ilə oyunun nəticəsinə görə sevinə bilmərik. Çempionatda ilk məğlubiyyətimizi aldıq. Lakin qarşıda bizi uzun yol gözləyir. Həm də unutmaq lazım deyil ki, Azərbaycanın ən yaxşı komandalarından birinə qarşı oynadıq”.

Futbolxeber.az saytına müsahibəsində bu sözləri “Sumqayıt”ın üzvü Roi Kehat Azərbaycan Premyer Liqasının V turunda “Neftçi”yə 0:1 hesabı ilə uduzduqları oyun barədə danışarkən deyib.  

İsrailli yarımmüdafiəçi Azərbaycan Premyer Liqasında yaranan fasilənin komandasının xeyrinə olacağını bildirib: “Bu, komanda üçün olduqca xeyirlidir. Mənim kimi digər yeni oyunçuların komandaya adaptasiyası üçün, fiziki cəhətdən inkişaf etmək üçün bu fasilə faydalı olacaq”.

31 yaşlı futbolçu öz uyğunlaşması barədə də danışıb: “Komandaya yaxşı adaptasiya olmuşam. Baş məşqçinin məndən nə istədiyini bilirəm. Hər oyun komandama xeyir vermək üçün meydana çıxıram”.