“Zirə”nin baş məşqçisi: “Rəqiblər haqqında o qədər də məlumatlı deyilik”

"Çalışacağıq ki, yaxşı nəticə əldə edib, qrupdan çıxaq. Komandaların hər birinə uğurlar arzu edirəm".

Futbolxeber.az saytının məlumatına görə, bu sözləri ölkəmizi minifutbol üzrə Çempionlar Liqasında təmsil edəcək “Zirə”nin aparıcı üzvü Bəxtiyar Soltanov deyib.

Komandanın baş məşqçisi Elşad Quliyev isə qrupdakı rəqiblər barədə məlumatlarının az olduğunu söyləyib: "Komandalar haqqında o qədər də məlumatlı deyilik. Düşünürük ki, bu rəqiblərə qarşı oynamaq olar. Əsas hədəf qrupdan çıxmaqdır. Rəqiblərimiz ümumilikdə yaxşı komandalardır. Bunun asan və çətin tərəfləri var. Qrupda 3 komanda olanda, oyunlara 100 faiz köklənmək lazımdır”.