“Olimpiya”nı məğlub edən sabiq “Qarabağ”lı: “Qurban Qurbanov və komandası...”

“2018-ci ildəki həmin oyunu yaxşı xatırlayıram. Səfərdə “Olimpiya”a 1:0 hesabı ilə qalib gəlmişdik”.

Futbolxeber.az saytına açıqlamasında bunu “Qarabağ”ın sabiq futbolçusu, hazırda Türkiyənin “Ümraniyespor” klubunda forma geyən Coşqun Diniyev deyib.

2018-ci ildə Çempionlar Liqasının birinci təsnifat mərhələsində səfərdə “Qarabağ”ın “Olimpiya”nı 1:0 hesabı ilə məğlub etdiyi görüşdə meydana start heyətində çıxan C.Diniyev Ağdam klubunun bu dəfə də uğurlu nəticə qazanacağına inanır:

“Təbii ki, indiki “Olimpiya” ilə o zamankı komanda fərqlidi. Eyni sözləri “Qarabağ”a da aid etmək olar. İnanıram ki, Ağdam klubu bu dəfə də mərhələ adlayan tərəf olacaq. “Qarabağ” ölkəmizin fəxridi. Qurban Qurbanov və komandası ən böyük uğurlara layiqdi”.