Qurban Qurbanov: “Futbolçularımın təcrübəsi bunu aradan qaldırmağa kömək edəcək”

“Qarabağ”ın baş məşqçisi Qurban Qurbanov sabah UEFA Avropa Liqasının pley-off mərhələsinin ilk oyunu çərçivəsində Sloveniyada “Olimpiya”ya qarşı keçirəcəkləri qarşılaşma barədə danışıb.

Futbolxeber.az saytının məlumatına görə, təcrübəli mütəxəssis futbolçularının yorğunluğu təcrübələri ilə unutduracaqlarına inandığını deyib:

"Olimpiya" ilə oyuna hazırlaşmaq üçün bir neçə günümüz oldu. Çalışdıq ki, bu günlərdən düzgün istifadə edək. Futbolçularımın təcrübəsi yorğunluğu aradan qaldırmağa kömək edəcək, yaxşı oyun göstərmək üçün əllərindən gələni edəcəklər”.

Tərübəli mütəxəssis rəqibin müxtəlif oyun sistemlərindən istifadə etdiyini vurğulayıb:

“Meydanda maraqlı mübarizə olacaq. "Olimpiya" yaxşı futbolçulardan ibarət komandadır. Rəqibdə bəzən sistem dəyişir. Onların meydanda hansı sistemdən istifadə edəcəyini görəcəyik”.